نئی دہلی،یکم فروری (ایس او نیوز؍ایجنسی) منگل کو پارلیمنٹ میں پیش ہونے والے عام بجٹ میں لوگوں کی نظریں ریل بجٹ پر بھی ہوں گی۔ اس ریل بجٹ میں بہت سی نئی چیزیں متوقع ہیں۔ یوں تو ریلوے کی ترجیح سیفٹی کے حوالے سے رہے گی لیکن اس بجٹ میں دیگر کئی چیزوں کے حوالے سے ریلوے میں ایک نئی شروعات کی جا سکتی ہے۔

ذرائع کے مطابق اس وقت ریلوے بجٹ میں کچھ اہم شعبوں پر زیادہ زور دیا جائے گا۔اس کی کچھ تفصیلات یوں ہیں ۔1:- 300 وندے بھارت ٹرینوں بنائے جانے کا اعلان۔ گزشتہ سال یوم آزادی کی تقریر میں وزیر اعظم نے ہندوستان کے 75 شہروں کو جوڑنے کے لیے نئی وندے بھارت ٹرینیں چلانے کا اعلان کیا تھا، یہ ہندوستان کی آزادی کے امرت مہوتسو کے موقع پر کیا جا رہا ہے۔ اب اس میں مزید اضافہ کرکے دیگر شہروں کوبھی وندے بھارت سے جوڑا جائے گا۔ یعنی شتابدی کے علاوہ کئی اہم روٹس پر انٹر سٹی ٹرینوں کی طرح وندے بھارت ٹرینوں کا آغاز کیا جائے گا۔2.: آنے والے بجٹ سال میں LHB کوچ کے ساتھ 100 ٹرینوں کی تیاری کا ہدف مقرر کیا جا سکتا ہے۔ یہ جرمن ڈیزائن کردہ کوچز ہیں اور اس وقت ہندوستان میں ایل ایچ بی کوچ ٹرینیں بڑے پیمانے پر پرانی کوچ ٹرینوں کی جگہ لے کر چلائی جا رہی ہیں۔3 :اس بجٹ میں ہندوستان میں ایلومینیم کوچ کی میل ایکسپریس ٹرینوں کی تیاری کا اعلان بھی ممکن ہے،

تاہم ایسی ٹرین کی قیمت LHB سے 2.5 گنا زیادہ ہو سکتی ہے۔ لیکن یہ کم توانائی استعمال کرے گا۔ ایسی ٹرینیں ہلکی بھی ہوتی ہیں اور 160 کلومیٹر کی رفتار سے چلنا آسان ہو جاتا ہے۔ ان ٹرینوں میں انجن نہیں ہے اور وندے بھارت کی طرح سیلف پروپلشن پر چلتی ہے۔ نیز ٹیلٹنگ ٹیکنالوجی کی وجہ سے آڑے ترچھے روٹ پر اس کی رفتار کم کرنے کی ضرورت نہیںہوگی۔4 عام بجٹ میںAC ٹرینوں کی ڈیزائننگ کا اعلان بھی متوقع ہے۔اے سی ٹرینوں کے دروازے چلتے ہوئے بند ہو جاتے ہیں ،اس لیے انہیں محفوظ سمجھا جاتا ہے۔